اسلام آباد۔14اکتوبر (اے پی پی) چیئرمین سینیٹ سید یوسف رضا گیلانی مسلم ورلڈ لیگ دے پلیٹ فارم کوں امت مسلمہ کیتے ٻہوں اہم قرار ݙیندے آکھیے جو ایں نال مسلماناں دے اتحاد اتے مسئلیں دے حل کیتے مشترکہ ک??ششاں کیتیاں ونڄ سڳدن۔ سینٹ سیکرٹریٹ توں جاری بیان موجب چیئرمین سینیٹ سید یوسف رضا گیلانی نال پارلیمنٹ ہاؤس اچ مسلم ورلڈ لیگ دے سیکرٹری جنرل ڈاکٹر محمد بن عبدالکریم لعیسیٰ ملاقات کیتی۔ ملاقات اچ آپت دے دلچسپی دے امور اتے عالم اسلام کوں پیش آوݨ آلے مختلف چیلنجز تے تفصیلی ڳالھ مہاڑ کیتی ڳئی۔ ملاقات دے دوران چیئرمین سینیٹ مسلم ورلڈ لیگ دے پلیٹ فارم کوں امت مسلمہ کیتے ٻہوں اہم قرار ݙتا اتے آکھیا جو ایں پلیٹ فارم ??ے ذریعے مسلماناں دے اتحاد اتے مسئلیں دے حل کیتے سانجھیاں کوششاں کیتیاں ونڄ سڳدن۔ انہاں مسلم ورلڈ لیگ اتے ایں دے سیکرٹری جنرل دیاں خدمات دی تعریف کیتی تے آکھیا جو دنیا دے مختلف خطیں اچ مسلماناں تے تھیندے پئے ظلم اتے انسانی حقوق دی خلاف ورزیاں دے علاج کیتے ہک مربوط اتے متفقہ لائحہ عمل اختیار کرݨ ضروری اے۔ چیئرمین سینیٹ اتحادِ بین المسلمین دی لوڑھ تے زور ݙیندے آکھیا جو اساکوں آپت دے اعتماد اتے یکجہتی ??ے ذریعے آپݨیاں صفاں کوں مضبوط بݨاوݨا ہوسی۔ مسلم ورلڈ لیگ دے سیکرٹری جنرل ڈاکٹر محمد بن عبدالکریم لعیسیٰ آپݨے دورہ پاکستان کوں اہمیت دا حامل قرار ݙتا اتے چیئرمین سینیٹ دی مہمان نوازی اتے توجہ کیتے شکریہ اد?? کیتا۔ انہاں آکھیا جو مسلم ورلڈ لیگ پاکستان دے نال نیڑے تعاون کوں ودھارا ݙیوݨ اتے عالمی سطح تے متفقہ موقف اپناوݨ دے حوالے نال بھرپور تعاون جاری رکھیسی