لاہور۔18 مارچ(اے پی پی )صدر مملکت ممنون حسین آکھے جو حکومت دیاں معاشی اتے مالیاتی پالیسیاں ملکی معیشت کوں آپنڑیاں پیراں اُتے کھڑ ا کرڈتے ، جیندے نال عالمی مالیاتی ادارے وی تعریف کریندے پئے ہن ، سی پیک منصوبے نال نہ صر ف پاکستان جڈانجو سارے خطے دی قسمت تبدیل کرڈیسی ، سی پیک دے رستے اچ کئی تبدیلی کائنی کیتی گئی ، ایں بارے منفی پروپیگنڈہ کرنڑآلیاں کوں شرمندگی دے سوا کجھ کائناں ملسی ، کرپشن اتے بدعنوانی دی لعنت ملکی ترقی دا رستہ روکے رکھیا جیکوں مکاونڑ کیتے نینگر نسل کوں آپنڑاں بھرپور کردار ادا کرنڑاں ہوسی ، نینگر نسل تعلیم کوں آپنڑیں منزل تصور کرتے انفارمیشن ٹیکنالوجی’ سائنس اتے ٹیکنالوجی دی تعلیم اُتے خصوصی توجہ ڈے تے ملک دی ترقی اتے خوشحالی اچ آپنڑاں کردار ادا کرے، موجودہ حکومت تعلیم’ صحت’ ڈھانچے اتے نقل و حمل سمیت سارے شعبیا ں اچ برابر ترقی کیتے کم کریندی پئی ہے ۔ او چھنڑ چھنڑ کوں الحمراء ہال اچ گورنمنٹ اسلامیہ کالج لہور دے 61 ویں کانووکیشن نال خطاب کریندے پئے ہن ۔ گورنر پنجاب محمد رفیق رجوانہ’ صوبائی وزیر ہائر ایجوکیشن سید رضا علی گیلانی’ قائم مقام وائس چانسلر پنجاب یونیورسٹی پروفیسر تقی زاہد بٹ’ پرنسپل گورنمنٹ اسلامیہ کالج پروفیسر طاہر جاوید’ فیکلٹی ممبرانR17; اساتذہ اتے طلبہ دی وڈی تعداد ایں موقعے تے موجود ہئی ۔ صدر مملکت آکھیا جو گورنمنٹ اسلامیہ کالج پنجاب اتے ایندے نال دے علاقیاں کیتے تحریک پاکستان دا مرکز ریہا ہے اتے ایں ادارے دے اوں ویلے دے طلباء قائد اعظم توں رہنمائی گھندے ہن اتے تحریک پاکستان دے پیغام کوں ہر چنڈ اچ پجیندے ہن ۔ صدر ممنون حسین ایں گالھ اُتے زور ڈتا جو گورنمنٹ اسلامیہ کالج دے طلبہ اتے استاداں دی اے ذمہ داری ہے جو او ایں ادارے دے وقار اتے عظمت کوں اوچا رکھیندے ہوئیں قائد اعظمدیاں تعلیمات کوں اگوں ودھاون۔ انہاں تعلیم پوری کرنڑ آلے طالب علماں کوں مبارخ ڈیندے ہوئیں امید کیتی جو او آپنڑیں عملی زندگی اچ ملک دی خوشحالی اتے ترقی کیتے آپنڑاں بھر پورا ادا کریندے راہسن ۔ صدر مملکت آکھیا جو نینگر نسل کوں ماضی دے تناظر اچ ناامید نہیں ہونڑاں چاہیدے کیونجو ہنڑ پاکستان دا مستقبل روشن ہے اتے انہاں طلبہ اُتے وی ذمہ داری آندی ہے جو او ملک دی ترقی اچ آپنڑاں حصہ پاون۔
