راولپنڈی ۔19اپریل (اے پی پی):وزیر دفاع و دفاعی پیداوار خواجہ محمد آصف نال ترکیہ دے چیف آف جنرل سٹاف جنرل متین گورک ملاقات کیتی۔وزیر دفاع معزز ترک دفاعی وفد دا پرتپاک استقبال کیتا۔انہاں پاکستان اتے ترکیہ وچال ݙوطرفہ دفاعی تعلقات کوں تکڑا قرار ݙتا ۔ وزیر دفاع غزہ اچ حالات تے قابو پاوݨ سانڳے ترکیہ دے فعال کردار دی تعریف کیتی ۔ معزز مہمان علاقائی امن و استحکام کوں ودھاوݨ اچ پاکستان دیاں کوششاں دے نال دہشت گردی دے خلاف جنگ اچ پاکستان دی مسلح افواج دے کردار دی تعریف کیتی ۔ ݙوہیں پاسوں آپݨی مسلح افواج وچال تکڑے تعلقات کوں منیا تے دفاعی تعاون کوں مزید ودھاوݨ دے عزم دا اعادہ کیتے۔
