اسلام آباد۔15مارچ (اے پی پی):وزیر خارجہ شاہ محمود قریشی آکھیے جو اوآئی سی اجلاس اچ مداخلت نہ تھیوݨ ݙیسوں ،لانگ مارچ کرݨ آلیں کوں نہ پہلے کݙاہیں روکیے تے نہ اڳوں روکیا ویسی منڳل کوں مولانا فضل الرحمان دے لانگ مارچ دے اعلان دے حوالے نال آپݨے ھک بیان اچ وزیر خارجہ آکھیے جو اوآئی سی کانفرنس اسلام آباد اچ تھیوݨ ویندی پئی اے ،اجلاس اچ مداخلت نہ تھیوݨ ݙیسوں ۔ وزیرخارجہ آکھیے جو اوآئی سی اجلاس کیتے دعوت نامے بھیج ݙتے ڳئن،اسلام آباد اچ اوآئی سی اجلاس پاکستان کیتےاعزازاے۔اپوزیشن دے حوالے نال وزیرخارجہ شاہ محمودقریشی آکھیے جو اپوزیشن آکھدی اے اساݙے نمبر پورے ہن ،نمبرز پورے ہن تاں اسلام آباد اچ دھرنے دی کیا لوڑھ اے ، شاہ محمود قریشی آکھیےجو کجھ چیزاں ایجھیاں ہن جیڑھیاں وزیراعظم قوم نال شیئر کرݨ چاہندن ،جلسے دے ذریعے وزیراعظم عمران خان قوم کوں اچ اعتماداچ گھنسن ۔انہاں آکھیے جو تحریک عدم اعتماد دامقابلہ آئینی و قانونی طریقے نال کریسوں ۔ شاہ محمودقریشی آکھیے جو سارے ارکان اپݨی آئینی وقانونی ذمہ واری کوں چنڳے طریقے سمجھدن ۔شاہ محمود قریشی آکھیے جو تحریک عدم اعتما د پیش کرݨ اپوزیشن دا آئینی حق اے،عدم اعتماد دا مقابلہ کرݨ ساݙا آئینی و جمہوری حق اے۔شاہ محمود قریشی آکھیے جو پیپلز پارٹی لانگ مارچ کیتے ،حکومت کتھائیں نی روکیا ،لانگ مارچ کرݨ آلیں کوں اڳوں وی نہ روکیا ویسی ۔
