لاہور۔29دسمبر(اے پی پی)وزیر مملکت تخفیف غربت و سماجی بہبود فیصل کریم کنڈی اکھیے جو ٹیکنو کریٹ حکومت بارے عمران خان روزانہ نواں خواب ݙیہدن، پارلیمنٹ عمران خان دی سک تے نئیں آئین و قانون دے مطابق چلسی، عمران خان سنجیدہ ہین تاں پنجاب اتے کے پی دیاں اسمبلیاں تروڑن۔ اے ڳالھ انہاں لاہور اچ پیپلز پارٹی سنٹرل سیکرٹریٹ اچ پارٹی رہنماواں ڈاکٹر خالد جاوید جان، بیرسٹر عامر، ذیشان شامی، ڈاکٹر شائستہ جان، چودھری سجاد نذیر اتے رانا خالد نال پریس کانفرنس اچ آکھی۔ انہاں آکھیا جو سیلاب متاثرین اڄ وی عمران خان دے 15 ارب روپے دے تانڳھی ہین، 98 فیصد سیلاب متاثرین کوں بے نظیر انکم سپورٹ پروگرام دی رقم پچائی اے۔ انہاں آکھیا جو عمران خان دے خواب ہمیشہ خواب ہی رہسن، مارچ اپریل اچ الیکشن اتے ٹیکنوکریٹ حکومت ٻݨݨ دے خواب خام خیالی ہین، میݙی صلاح اے جو پی ٹی آئی پارلیمنٹ اچ ولے اتے اپݨے مطالبات ݙیوے جو جمہوریت ہی بہترین انتقام اے۔
