اسلام آباد۔5اگست (اے پی پی) اسلام آباد اچ وزارت خارجہ اتے وزارت امور کشمیر ولوں بھارت دے غیر قانونی قبضے اچ جموں تے کشمیر دی عوام نال یکجہتی کیتے شاہراہ دستور تے ریلی کݙھی ڳئی جئیں اچ سول سوسائٹی دے اراکین ، وزارت خارجہ اتے وزارت امور کشمیر دے ملازمین ، کشمیری رہنماواں اتے پاکستان سویٹ ہومز دے طلبا کیڈٹ لباس پاتے پاکستانی اتے کشمیری پرچم چاتے ریلی اچ شریک تھیے۔ ایں موقع تے ریلی دی قیادت وزیر اعظم دے مشیر برائے امور کشمیر قمر زمان کائرہ، سیکرٹری خارجہ اسد مجید خان، پاکستان سویٹ ہومز دے سرپرست اعلیٰ زمرد خان اتے کل جماعتی حریت کانفرنس اسلام آباد دے قائدین کریندے پئے ہن۔ ریلی دے شرکا بھارت دے 05 اگست 2019 دے اقدامات دے خلاف احتجاج کیتا۔ ایں موقع تے وزیر اعظم دے مشیر برائے امور کشمیر تے گلگت بلتستان قمر زمان کائرہ ڈی چوک تے ریلی دے شرکا نال خطاب وی کیتا۔
