اسلام آباد۔6ستمبر(اے پی پی):نگراں وزیراعظم انوارا لحق کاکڑ گوادر اچ پاک بحریہ دے ہیلی کاپٹر حادثہ اچ شہید تھیوݨ آلے لیفٹیننٹ کمانڈر حمزہ عابد دے گھر ڳھن اتے انہاں دے ٹٻر کوں پرچاوݨی ݙتی اے۔ اپݨے ٹویٹ اچ نگران وزیراعظم آکھیے جو مکاݨ ݙیوݨ ویلھے میݙے نال پاک بحریہ دے سربراہ ایڈمرل محمد امجد خان نیازی وی ہن۔ شہید دے والد وی پاک بحریہ اچ خدمات سرانجام ݙے چکین۔ نگران وزیراعظم آکیے جو اساں بحیثیت قوم شہداء دے مقروض ہیں، اللہ تعالیٰ شہید دے درجات ودھاوے۔ نگران وزیراعظم لیفٹیننٹ کمانڈر حمزہ عابد کیتے فاتحہ وی پڑھی۔
