اسلام آباد-27 سيپٽمبر (اي پي پي) پاڪستان سميت سڄي دنيا ۾ سياحت جو عالمي ڏينهن ملهايو ويو. سڄي دنيا ۾ سياحت جو عالمي ڏينهن ورلڊ ٽوئرازم آرگنائزيشن جي ايگزيڪيٽو ڪائونسل جي سفارشن تي گڏيل قومن جي جنرل اسيمبلي جي ٺهراءَ موجب 1970ع کان هر سال 27 سيپٽمبر تي اهو ڏينهن ملهايو ويندو آهي. ان ڏينهن جي ملهائڻ جو مقصد دنيا کي ان جي اهميت کان آگاهه ڪرڻ آهي. سياحت عالمي برادري لاءِ اڻٽر آهي ۽ سياحت عالمي سطح تي سماجي، ثقافتي ۽ اقتصادي حالتن تي سڌي ريت اثر انداز ٿيندي آهي. ان ڏينهن جي حوالي سان سرڪاري ۽ غير سرڪاري ادارن جي انتظام هيٺ منعقد ٿيل مختلف تقريبن ۾ ماڻهن کي سياحت جي عالمي ڪردار جي حوالي سان آگاهي فراهم ڪئي وئي.
