گڏيل قومون – 25 آڪٽوبر (اي پي پي) پاڪستان چيو آهي ته گڏيل قومن ۾ ان جي مشن جو بنيادي مقصد بين الاقوامي طور تي تسلم ڪيل تڪراري علائقي ڄمون ڪشمير جي ماڻهن کي حق خوداراديت جو تحفظ آهي. ڪشمير ميڊيا سروس مطابق گڏيل قومن ۾ پاڪستان جي مستقل نمائندي منير اڪرم گڏيل قومن جي سالگره جي موقعي تي پنهنجي پيغام ۾ عالمي اداري جي مختلف فورمن تي پنهنجي ملڪ جي فعال ڪردار تي روشني وڌي. هن چيو ته پاڪستان گڏيل قومن جي سيڪريٽري جنرل جي ان بيان جي آجيان ڪري ٿو جنهن ۾ هن چيو هو ته تڪراري ڪشمير کي گڏيل قومن جي چارٽر ۽ سلامتي ڪائونسل جي قراردادن جي بنياد تي حل ڪرڻ گهرجي. هن چيو ته گڏيل قومن جي چارٽر ۽ قراردادن ۾ چيو ويو آهي ته رياست ڄمون ۽ ڪشمير جو حتمي فيصلو ڪشميري عوام گڏيل قومن جي نگراني ۾ آزادانه ۽ منصفانه راءِ جي ذريعي پنهنجي حق خوداراديت کي استعمال ڪري ڪندا.
.jpg)
