اسلام آباد۔27جنوری (اے پی پی):چیئرمین نیب جسٹس جاوید اقبال آکھیے جو نیب زیرو کرپشن اتے سو فیصد ترقی تے بھرپور یقین رکھیندے ، نیب بزنس کمیونٹی کوں وݙی عزت و احترام ݙیندے جیڑھا جو ملکی ترقی اچ اہم کردار ادا کریندی پئی اے ۔ اے ڳال انہاں نیب ہیڈکوارٹرزاچ فیڈریشن آف پاکستان چیمبر آف کراچی، چیمبر آف کامرس لاہور اتے اسلام آباد چیمبر آف کامرس، فلور ملز ایسوسی ایشن، کاٹن جنرز ایسوسی ایشن، گوادر چیمبر آف کامرس اینڈ انڈسٹری دے وفد نال ملاقاتاں اتے خطاب اچ آکھئن ۔ انہاں آکھیے جو نیب انکم ٹیکس، سیلز ٹیکس اتے انڈر انوائسنگ دے کیسز ایف بی آر کوں بھجوائن تاں جو انہاں کوں قانون دے مطابق نبیڑیا ونڄ سڳے تے بزنس کمیونٹی دیاں شکایتاں دے ازالے کیتے نیب ہیڈکوارٹرز اسلام آباد اچ ڈائریکٹر دی زیر نگرانی خصوصی ڈیسک قائم کیتا ڳئے ۔ بزنس کمیونٹی دے رہنماواں مسئلیں دے حل کیتے چیئرمین نیب جسٹس جاوید اقبال دی ذاتی دلچسپی دی وی تعریف کیتی جیں توں سارے بخوبی آگاہ ہن۔
