اسلام آباد۔10اکتوبر(اے پی پی) صدر مملکت آصف علی زرداری 2 ݙینھ دے دورے تے ترکمانستان روانہ تھی ڳئن۔ ایوانِ صدر دے پریس ونگ توں جاری بیان موجب صدر مملکت اشک آباد اچ تھیوݨ آلے ”وقت اتے تہذیباں دے سانجھے تعلقات ۔ امن تے ترقی دی بنیاد“ دے موضوع تے بین الاقوامی فورم اچ شرکت کریسن ۔ فورم دا انعقاد عظیم ترکمان مفکر، شاعر اتے فلسفی مخدوم گلی فراگی دی 300 ویں سالگرہ دی مناسبت نال کیتا ویندا پئے ۔ صدر مملکت دورے تے فورم دی سائڈ لائنز تے ترکمانستان دی قیادت نال ملاقات وی کریسن
