اسلام آباد۔21نومبر(اے پی پی) وزیراعظم محمد شہبازشریف دی دعوت تے بیلاروس دے صدرالیگزینڈر لوکالشینکو 25 توں 27 نومبر تئیں پاکستان دا دورہ کریسن ۔ اے ڳالھ دفتر خارجہ دی ترجمان ممتاز زہرہ بلوچ پریس بریفنگ اچ ݙسائی ، انھاں آکھیے صدر الیگزینڈر لوکا لشینکو دے دورے اچ پاکستان تے بیلاروس وچال ݙوطرفہ امور تے ڳالھ مہاڑ تھیسی ۔ ترجمان آکھیے دورے تے ݙوہیں ملکاں وچال معاہدیں تے مفاہمت دی یاداشتاں تے ڳالھ مہاڑ تے دستخط وی تھیسن ۔ انھاں آکھیے بیلاروس دے صدر وزیراعظم محمد شہباز شریف تے ٻئے اعلیٰ حکام نال ملاقاتاں وی کریسن۔
