گڏيل قومون- 28 اپريل (اي پي پي) گڏيل قومن ۾ پاڪستان جي مستقل نمائندي منير اڪرم نيويارڪ ۾ هڪ سادي تقريب دوران او آءِ سي گروپ جي چيئرمين شپ پنهنجي موريطانيا جي هم منصب سيدي محمد لگيز ڊياف حوالي ڪري ڇڏي،ان موقعي تي پنهنجي مختصر ريمارڪس ۾ منير اڪرم مارچ 2023 ۾ نواڪشوٽ ، موريطانيا ۾ منعقد ٿيل او آءِ سي جي پرڏيهي وزيرن جي ڪونسل جي 49هين ڪامياب اجلاس تي مبارڪ ڏني.، هن اوآءِ سي جي سمورن ميمبر ملڪن ۽ نيويارڪ ۾ گڏيل قومن ۾ او آءِ سي جي مستقل مبصر مشن جو، سال 2022 دوران او آءِ سي جي گروپ چيئرمين جي حيثيت سان پنهجون ذميواريون ادا ڪرڻ ۾ پاڪستان جي ڀرپور حمايت تي شڪريو ادا ڪيو، هن چيو ته گذريل سال دوران او آءِ سي گروپ بيت المقدس جي دفاع ۾ فلسطين جي ڪاز کي جاري رکيو، او آءِ سي اسلام فوبيا کي منهن ڏيڻ جو ڏينهن پڻ ملهايو ۽ اسلام فوبيا کي روڪڻ لاءِ ايڪشن پلان جي شروعات تي زور ڀريو. گروپ ولاريل ڄمون ڪشمير جي ماڻهن جي خوداراديت واري حق ۽ منصفاڻي آزادي جي مقصد کي هٿي وٺرائي.
