اسلام آباد۔13جون (اے پی پی):پاک بحریہ دے سربراہ ایڈمرل محمد امجد خان نیازی نال پاکستان اچ تعینات ترکی دے سفیراحسان مصطفٰی یرداکل الوداعی ملاقات کیتی جیں اچ بحری تعاون دے مزید ودھارے سودھے سانجھی دلچسپی دے امور تے ڳالھ مہاڑ کیتی ڳئی ۔ ترجمان پاک بحریہ موجب ترکی دے سفیراحسان مصطفٰی یرداکل نیول ہیڈ کوارٹرز اسلام آباد دا دورہ کیتا جتھاں انہاں پاک بحریہ دے سربراہ نال ملاقات کیتی۔امیرالبحر ݙوہیں بھرا ملکاں وچال تعلقات ودھاوݨ تے تعاون کوں مزید مستحکم کرݨ تے احسان مصطفٰی یرداکل دی خدمات دی تعریف کیتی ۔
