اسلام آباد۔24اگست(اے پی پی)صدر مملکت ڈاکٹر عارف علوی حادثات و قدرتی آفات دے متاثرین کوں ابتدائی طبی امداد ݙیوݨ کیتے قابل تربیت یافتہ انسانی وسائل دی کمی تے چنتا کریندے آکھیے جو صحت دے ادارے بوائے سکاؤٹس، گرلز گائیڈز کوں ہنگامی خدمات نظام اچ رلاون، جامع تربیت ݙیوݨ دے بعد بوائے سکاؤٹس اتے گرلز گائیڈز دی مدد نال پورے ملک دے متاثرین کوں ویلھے تے ابتدائی طبی امداد ݙتی ونڄ سڳدی اے۔ اے ڳالھ انہاں ہیلتھ سروسز اکیڈمی دی سینیٹ دے اجلاس دی صدارت کریندے آکھی جو نفسیاتی صحت دی ݙیکھ بھال دی سہولتاں کوں ہنگامی طور تے تکڑا کرݨا چاہیدے، پاکستان اچ دماغی امراض دی شرح 24 فیصد اے ٻھل ایں شعبے اچ ماہرین دی تعداد صرف 2 ہزار اے، لوکاں دے ذہنی صحت دے مسائل نال نمٹݨ، سنگین رویے دی اصل وجہ ڳولݨ اتے ایندے تے قابو پاوݨ کیتے ہک موثر نظام ٻݨاوݨ دی لوڑھ اے۔
