اسلام آباد۔ 16 مارچ (اے پی پی) وفاقی وزیر برائے موسمیاتی تبدیلی شیریں رحمان آکھیا جو موسمیاتی تبدیلی دا چیلنج آفاقی اے،قدرتی آفات نال نبڑݨ کیتے وفاق اتے صوبیاں اچ آپسی رابطے ودھاوݨے پوسن۔ پاکستان اچ گزریل سال دا چھل ساریاں کیتے ہک سبق اے۔ او خمیس کوں نیشنل ڈیزاسٹر مینجمنٹ اتھارٹی(این ڈی ایم اے ) ولوں ایمرجنسی سروسز اداریاں دی ترائے ݙینھ دی فرضی مشقاں دی چھیکڑی تقریب توں خطاب کریندی پی ہن۔ وفاقی وزیر فرضی مشقاں کراوݨ تے این ڈی ایم اے،مسلح افواج ، وفاقی تے صوبائی ادارے ، اقوام متحدہ اتے ٻے شراکتی اداریاں دے کردار دی تعریف کریندیں ہوئیں آکھیا جو ممکنہ آفات نال نبڑݨ کیتے اداریاں وچال تعاون ودھاوݨ دی لوڑھ اے۔
