اسلام آباد۔29دسمبر (اے پی پی):وزیراعظم دے مشیر پارلیمانی امور ڈاکٹر بابر اعوان آکھیے جو مسئلہ کشمیر کوں عالمی سطح تے چاوݨ کیتے پوری دنیا اچ تقریبات، مظاہرے اتے سیمینارز منعقد کیتے ویندن جیندے وچ مظلوم کشمیریاں تے بھارتی ظلم اتے انسانی حقوق دیاں سنگین خلاف ورزیاں کوں چاتا ویندے ، ٻدھ کوں سینیٹ دے اجلاس اچ سوالاں دے وقفے اچ سینیٹر نزہت صادق دے سوال دے ولدے اچ وزیراعظم دے مشیر پارلیمانی امورآکھیےجو حکومت پاکستان دی ہدایات دے مطابق دنیا اچ پاکستانی مشنز اچ پریس سیکشنز ہر سال 5 فروری کوں یوم یکجہتی کشمیر اتے 27 اکتوبر یوم سیاہ تے مقامی کمیونٹیز دے تعاون نال اہم جاہواں تے تقریبات اتے مظاہریں دا اہتمام کریندن ، ہر سال 5 اگست کوں یوم استحصال منایا ویندے جیں اچ بھارت دے غیر قانونی زیر تسلط جموں و کشمیر اچ بھارتی ظلم تے انسانی حقوق دیاں سنگین خلاف ورزیاں کوں چاتا ویندے ۔
