واشنگٹن۔21اگست (اے پی پی):امریکا دی ریاست نیو جرسی اچ پاکستانی نژاد امریکی شہریاں مادر وطن دے 76ویں یوم آزادی دے سلسلے اچ ایڈیسن شہر اچ رنگا رنگ پریڈ کرائی جیں اچ ہزاراں لوکاں شرکت کیتی، پریڈ اچ لوکاں قومی لباس پاتا ، پریڈ اچ پاکستانی مصنوعات، موسیقی، رقص، ثقافتی نمائش ،آرٹ اتے کھاݨے پیش کیتے ڳئن ۔ ایں موقع تے امریکا اچ پاکستان دے سفیر مسعود خان پاکستانی شہریاں تے زور ݙتے جو او آپݨی صفاں اچ اتحاد پیدا کرن،مادر وطن دی ترقی اچ آپݨا کردار تے سرمایہ کاری کریندن رہن ۔ سفیر آکھیے عوامی سطح تے وفد د ےتبادلے دے ذریعے پاکستان تے امریکا کوں نیڑے گھن آوݨ اچ تساڈا اہم کردار اے ۔ انہاں آکھیے پاکستان کوں ٻہوں سارے چیلنجز دا سامݨا اے جنہاں دی بحالی اچ ویلھا لڳسی ۔ انہاں سانحہ جڑانوالہ دی مذمت کریندے ہوئیں آکھیے اے ملک دے خلاف سازش دا حصہ اے اتے ایندے مرتکب لوکاں کوں انصاف دی کچاری اچ گھن آیا ویسی۔
.jpg)
