اسلام آباد۔15دسمبر(اے پی پی) نگران وزیرِ اعظم انوار الحق کا کڑ ٹانک، ڈیرہ اسماعیل خان اچ پولیس لائنز تے ضلع خیبر اچ پولیس اتے فرنٹیئر کور دی مشترکہ چیک پوسٹ تے دہشتگرداں دے حملیں دی شدید مذمت کیتی اے ۔ وزیراعظم آفس دے میڈیاونگ توں جاری بیان موجب نگران وزیرِ اعظم دہشتگرداں دے ٹانک پولیس لائنز اچ شر پسندی دے وݙے منصوبے کوں ناکام بݨاوݨ تے سکیورٹی اہلکاراں کوں خراجِ تحسین پیش کیتے۔نگران وزیراعظم آکھیے دہشتگردی دی عفریت دے پاکستان توں منڈھوں خاتمے تئیں اے جنگ جاری رکھیسوں ۔ میں سودھے پوری قوم ، ملک دی حفاظت دی خاطر اپݨی جاناں دا نذرانہ پیش کرݨ آلے سکیورٹی فورسز دے بہادر اہلکاراں کوں خراجِ عقیدت پیش کریندی اے ۔نگران وزیرِ اعظم آکھیے جو پاکستان دے بہادر عوام دہشتگردی دی ایں جنگ اچ اپݨی سکیورٹی فورسز دے رلے ہن ۔وزیرِ اعظم حملیں اچ شہید تھیوݨ آلے سکیورٹی اہلکاراں سانڳے مغفرت اتے اہلِ خانہ کیتے صبر دی دعا کیتی ۔
.jpg)
