اسلام آباد – 29 مارچ (اي پي پي) وزيراعظم شاهد خاقان عباسي چيو آهي ته حڪومت تعليم جي فروغ لاءِ هر ممڪن قدم کڻڻ ۽ تعليمي شعبي بابت مسئلن جي حل لاءِ پرعزم آهي. هن اها ڳالهه گورنمينٽ بوائز ڪاليج ۽ گورنمينٽ ويمن ڪاليج مري جي شاگردن سان ڳالهائيندي چئي جنهن وزيراعظم آفيس ۾ ساڻس ملاقات ڪئي. هي ملاقات مختلف سرڪاري ۽ نجي تعليمي ادارن جي شاگردن کي وزيراعظم آفيس گهرائڻ ۽ ملڪ جي اعليٰ ترين آفيس جي معاملن جي باري ۾ آگاهه ڪرڻ جي قدمن جو حصو هئي.