شہید بے نظیر آباد ۔25جون(اے پی پی)وزیر اعظم شہباز شریف پاکستان پیپلز پارٹی پارلیمینٹیرینز دے سربراہ آصف علی زرداری نال انہاں دی اماں سیئݨ اتے وزیر خارجہ بلاول بھٹو زرداری دی ݙاݙی دی فوتگی تے زرداری ہاؤس شہید بے نظیر آباد، نواب شاہ ونڄ تے پرچاوݨی ݙتی اتے فاتحہ پڑھی۔ وزیر اعظم نال سپیکر قومی اسمبلی راجہ پرویز اشرف، ڈپٹی سپیکر قومی اسمبلی زاہد اکرم درانی، وزیر ریلوے و ہوا بازی خواجہ سعد رفیق، وزیر تجارت سید نوید قمر اتے وزیر اعظم دے معاون خصوصی سید فہد حسین وی ہن۔ زرداری ہاؤس پڄݨ تے آصف علی زرداری، یوسف رضا گیلانی، شازیہ مری، آصفہ بھٹو زرداری، وزیر اعلی سندھ سید مراد علی شاہ، مرتضی وہاب اتے حاجی علی حسن زرداری وزیر اعظم اتے انہاں دے وفد کوں جی بسم اللہ آکھیے۔
