اسلام آباد۔24فروری (اے پی پی) وزیرِ اعظم محمد شہباز شریف نال مختلف سیاسی رہنماواں انڄ انڄ ملاقات کیتی۔ جمعے کوں وزیراعظم آفس دے میڈیا ونگ توں جاری بیان موجب وزیراعظم نال رکنِ قومی اسمبلی چوہدری احسان الحق باجوہ، سابق ارکانِ صوبائی اسمبلی صوفی اکرم اتے زاہد اکرم ملاقات کیتی۔ ملاقات اچ متعلقہ حلقے دے مسئلیاں اتے سیاسی صورتحال تے ڳالھ کیتی ڳی۔وزیرِ اعظم نال پاکستان مسلم لیگ( ن )بلوچستان دے صدر جعفر خان مندوخیل اتےسابق وزیرِ اعلی گلگت بلتستان حافظ حفیظ الرحمن وی انڄ انڄ ملاقات کیتی۔ جعفر خان مندوخیل ملاقات اچ صوبہ بلوچستان اچ وزیراعظم دی ہدایت تے شروع کیتے ڳے ترقیاتی کماں تے پیش رفت اتے ایں بارے مثبت عوامی ردعمل تے ڳالھ کیتی اتے سابق وزیرِ اعلی گلگت بلتستان حافظ حفیظ الرحمن ملاقات اچ گلگت بلتستان دی سیاسی صورتحال تے وزیر اعظم نال تفصیلی ڳالھ مہاڑ کیتی۔
.jpg)
.jpg)