نیو یارک۔25ستمبر (اے پی پی) وزیراعظم محمد شہبازشریف آکھیا جو پاکستان اتے کویت وچال برادرانہ اتے دوستانہ تعلقات ہن۔ پاکستان کویت نال ݙو پاسہ تعلقات کوں ٻیا مضٻوط ٻݨاوݨ کیتے پرعزم اے۔ وزیراعظم آفس دے میڈیاو نگ توں جاری بیان موجب اے ڳالھیں انہاں اقوام متحدہ دی جنرل اسمبلی دے 79ویں اجلاس دے موقع تے کویت دے ولی عہد شیخ صباح الخالد الحمد المبارک الصباح نال ملاقات اچ آکھی۔ وزیراعظم ݙوہیں ملکاں وچال پراݨے برادرانہ اتے دوستانہ تعلقات تے اطمینان کیتا اتے ݙوپاسہ تعلقات کوں ٻیا مضٻوط ٻݨاوݨ دا عزم کیتا۔ ݙوہیں رہنماواں مختلف شعبیاں بشمول سیاسی، اقتصادی اتے دفاعی شعبیاں اچ تعاون اتے عوامی تے سماجی تبادلے ودھاوݨ بارے ڳالھ کیتی۔ وزیراعظم پاکستان خصوصی سرمایہ کاری سہولت کونسل دے تحت کویت اتے پاکستان وچال اقتصادی رابطے اتے سرمایہ کاری ودھاوݨ کیتے عمل درآمد دا عزم کیتا۔ ملاقات اچ ݙوہیں رہنماواں ݙوپاسہ اتے آپسی دلچسپی دے علاقائی اتے عالمی معاملیاں تے تعاون ودھاوݨ دا عزم کیتا۔
