اسلام آباد۔16مئی (اے پی پی) وزیرخزانہ تے محصولات محمد اورنگزیب قومی اسمبلی کوں ݙسیا جو سابق فاٹا اتے پاٹا اچ انکم ٹیکس اتے سیلز ٹیکس اچ استثنی دی مد ودھاوݨ دا اڄاں کوئی فیصلہ نی کیتا ڳئیا۔ ایں معاملے تے ایف بی آر اچ اجلاس کراوݨ کیتے تیار ہیسے۔ خمیس کوں قومی اسمبلی اچ جنیداکبر، امجدعلی خان، صاحبزادہ صبغت اللہ، محمد اقبال اتے ٻئے ولوں توجہ مبذول نوٹس تے وزیر خزانہ آکھیا جو 2018 اچ 25 ویں آئینی ترمیم ویلھے سارے فاٹا اتے پاٹا کوں جون 2023 تئیں ٹیکس اچ استثنیٰ ݙتا ڳئیا ہئی بعد اچ فنانس ایکٹ 2023 دے تحت این??ے اچ 30 جون 2024 تئیں ودھارا کیتا ڳئیا ہئی۔ سابق فاٹا اتے پاٹا اچ انکم ٹیکس اتے سیلز ٹیکس اچ استثنی دی مد ودھاوݨ دا اڄاں کوئی فیصلہ نی کیتا ڳئیا۔ اساں رل ٻہہ تے معاملہ حل کریسوں۔
