لاہور۔6مارچ (اے پی پی):صدر مملکت ڈاکٹر عارف علوی آکھیے ملک دے تعلیمی نظام کوں جدید دور دے تقاضیں توں ہم آہنگ کرݨ دی لوڑھ اے ، مستقبل انفارمیشن اینڈ ٹیکنالوجی اتے مصنوعی ذہانت جیہے جدید سائنسی شعبیں اچ ترقی نال وابستہ اے، تعلیمی اداریں اتے صنعت وچال بہتر رابطے توں نہ صرف نوجواناں کوں موزوں روزگار دے موقع ملسن بلکہ ایندے توں صنعتی ترقی دے امکانات وی پیدا تھیسن ،دنیا اچ آپݨا مقام بݨاوݨ کیتے علم و ہنر دے نال نال خود کوں معاشی لحاظ نال وی مضبوط بݨاوݨا ہوسی ۔ اے ڳالھ انہاں سنوار کوں اتھاں یونیورسٹی آف مینجمنٹ اینڈ ٹیکنالوجی دے دورہ دے موقع تے خطاب کریندے ہوئیں آکھی اے ، ایں موقع تے خاتون اول ثمینہ عارف علوی،فیکلٹی ممبران ،ڈینز، ڈائریکٹرز،ہیڈ آف ڈیپارٹمنٹس،یونیورسٹی دی سینئر انتظامیہ سودھے سپیشل طلبا وی موجود ہن ۔
