اسلام آباد۔8اگست (اے پی پی) وفاقی وزیر اطلاعات تے نشریات چوہدری فواد حسین آکھیا جو نیشنل کمانڈ اینڈ آپریشن سینٹر (این سی او سی) بݨݨ توں گھن کراہیں ہݨ تئیں کورونا نال نبڑݨ سانگے این سی او سی سائنسی تے زمینی حقائق کوں ݙیکھدیں ہوئیں فیصلے کیتن۔ کورونا دے محاذ تے کامیابیاں این سی او سی دی کوششاں پاروں ممکن تھین۔ وزیراعظم عمران خان دے وژن اتے این سی او سی دی گائیڈ لائنز تے عمل کریندیں ہوئیں حکومت سمارٹ لاک ڈائون دی ہک متوازن حکمت عملی بݨائی جئیں دا محور غریب اتے دیہاڑی دار طبقہ ہئی۔ اتوار کوں این سی او سی دے پنج سو ݙینھ پورے تھیوݨ تے مبارخ ݙیندیں ہوئیں انہاں آکھیا جو کورونا نال نبڑݨ سانگے این سی او سی سائنسی تے زمینی حقائق کوں ݙیکھدیں ہوئیں فیصلے کیتن، کورونا دے محاذ تے کامیابیاں این سی او سی دی کوششاں پاروں ممکن تھین۔
