ہمسایہ ملکاں بالخصوص افغانستان کوں یوریا دی غیر قانونی ترسیل روک تے ایندی دستیابی یقینی بݨائی ونڄے ، وزیر اعظم عمران خان دی سارے صوبائی چیف سیکرٹریز کوں ہدایت

2025-03-08 17:36:04

APP46-030122 ISLAMABAD: January 03 - Prime Minister Imran Khan chairing a meeting on Agriculture Transformation Plan. APP

اسلام آباد۔3جنوری (اے پی پی):وزیر اعظم عمران خان سارے صوبائی چیف سیکرٹریز کوں ہدایت کیتی اے جو او ہمسایہ ملکاں بالخصوص افغانستان کوں یوریا دی غیر قانونی ترسیل کوں روک تے ایندی دستیابی کوں یقینی بݨاون۔ اے ہدایت انہاں سنوار کوں آپݨی زیرصدارت ملک اچ زرعی بہتری دے منصوبے تے منعقدہ اجلاس دی صدارت کریندے ہوئیں ݙتی اے ۔ وزیراعظم آکھیے جو زراعت اچ بہتر میکانائزیشن ٹولز اتے آئی سی ٹی توں چلݨ آلی توسیعی خدمات دے متعارف تھیوݨ توں پاکستان اچ انقلاب برپا تھی ویسی ۔ انہاں آکھیے جو ملک اچ غذائی تحفظ کوں یقینی بݨاوݨ کیتے تجارتی پیمانے تے زیتون دی کاشت اتے جھینگیں دی فارمنگ ویلھے ای اہم لوڑھ اے ، ایندے توں برآمدات کوں بہتر بݨاوݨ اچ مدد مل ویسی ۔ وزیر اعظم آکھیے جو کسان کارڈ دے اجرا توں کساناں کوں مشینری اتے زرعی سامان مل گھنݨ اچ سہولت ملسی ۔ وزیراعظم متعلقہ حکام کوں ہدایت کیتی جو کپاہ کݨک تے چاول جیہاں وݙیاں فصلاں اچ تحقیق کیتے پنجاب اتے کے پی اچ سنٹرز آف ایکسی لینس قائم کیتے ونڄن ۔ انہاں ملک اچ مول ڈھور دی افزائش اتے کھیر دی پیداوار کوں بہتر بݨاوݨ کیتے وچھیں دی پرورش دے مراکز قائم کرݨ اتے مصنوعی انسیمی نیشن دی بہتر تکنیک متعارف کراوݨ دی وی ہدایت کیتی اے ۔ وزیر اعظم سارے صوبائی چیف سیکرٹریز کوں ہدایت کیتی جو او ہمسایہ ملکاں بالخصوص افغانستان کوں یوریا دی غیر قانونی ترسیل کوں روک تے ایندی دستیابی کوں یقینی بݨاون ۔وزیراعظم کوں ݙسایا ڳئے جو یوریا دی مصنوعی قلت پیدا کرݨ آلے لوکاں دے خلاف انتظامی اقدامات کیتے ویندے پئن ۔

مضمون کا ماخذ : bolão lotomania

متعلقہ مضامین