گلگت۔1ستمبر (اے پی پی):وزیر اعظم پاکستان دے مشیر امور کشمیر و گلگت بلتستان قمر زمان کائرہ آکھیے جیں پیکیج دا اعلان پاکستان اچ سیلاب توں متاثر تھیوݨ آلے علاقیں دے لوکاں کیتے کیتا ڳئے ایں پیکج تے گلگت بلتستان اچ وی عمل تھیسی متاثرین سیلاب دی بحالی کیتے سروے ساریں توں پہلے گلگت بلتستان توں شروع تھیسی ۔ گلگت اچ میڈیا دے نمائندیں نال ڳالھ مہاڑ کریندے ہوئیں انہاں آکھیے جو ساݙے بھیݨ بھرا سیلبا پاروں ایں دنیا توں ٹر ڳئن انہاں کیتے وفاقی حکومت دی طرفوں پرائم منسٹر پیکج دے تحت 10 لکھ روپے دا اعلان کیتا ڳئے ۔ایویں زخمیاں کیتے وی پیکیج دا اعلان کیتا ڳئے ، انہاں آکھیے جو ݙوجھا مرحلہ متاثرین سیلاب کوں ریسکیو کرݨا اے ۔ایں مد اچ پی ڈی ایم اے کوں ضروری سامان ݙے ݙتے۔ متاثرین کوں عارضی رہائش گاہواں یا کرائے دے مکاناں اچ شفٹ کر ݙتے یا کرݙتا ویسی، انہاں آکھیے تریجھا مرحلہ سیلاب متاثرین دی بحالی دا اے ایندا تفصیلی سروے تھیسی ۔ ملک دے ݙوجھے حصیں اچ ایں ویلھے پاݨی کھڑے اتھاں ویں ویلھے سروے نی تھی سڳدا ، سروے پہلے گلگت بلتستان توں شروع تھیسی اینکوں وختی مکمل کیتا ویسی ۔ وزیراعظم پاکستان شہباز شریف گلگت بلتستان اچ سیلاب توں متاثرہ علاقیں دا دورہ کریسن تے گلگت بلتستان حکومت دی مدد کیتے فنڈز دا اعلان کریسن۔
.jpg)
.jpg)
