باکو۔10اکتوبر (اے پی پی) نگراں وزیر خارجہ جلیل عباس جیلانی ترکیہ دے وزیر خارجہ ہاکان فیدان نال منگل کوں آذربائیجان دے شہر شوشا اچ اقتصادی تعاون تنظیم (ای سی او) دی 27 ویں وزرائے خارجہ کونسل دے اجلاس دے موقع تے ملاقات کیتی۔ دفترخارجہ موجب ملاقات اچ ݙوہیں وزرائے خارجہ برادرانہ تعلقات کوں ودھاوݨ کیتے کوششاں جاری رکھݨ تے اتفاق کیتا۔ انہاں سٹریٹجک سانجھے داری دے پہلواں دا جائزہ ڳھدا اتے سارے بنیادی مسئلے ثابت قدم حمایت کیتی۔ وزرائے خارجہ تجارت، سرمایہ کاری، دفاع، تعلیم، ثقافت، زراعت اتے سائنس اتے ٹیکنالوجی دے شعبیاں اچ تعاون ودھاوݨ دا عزم کیتا۔
